Da especie Physalis ixocarpa e da familia das solanáceas, é un froito que vén de Sudamérica. Consómese moito en México como ingrediente básico en moitas receitas tradicionais. Ten un sabor doce e ácido. Pódese comer como calquera verdura, salteada na tixola.

Unha receita moi famosa para elaborar co tomatillo é unha salsa verde picante. Pódese facer de distintas maneiras pero os seus ingredientes mais comúns son tomatillos, coandro, chiles verdes, cebola, sal e allo.

Primeiro, cocer nunha pota os tomatillos e chiles. Segundo, licuar o coandro, cebola, e allo cun pouco de auga. Logo engadir os tomatillos e chiles e licuar todo xunto.

Esa salsa representa a base de moitas receitas mexicanas.